'വൈര'ത്തിന് ശേഷം എം. എ നിഷാദ് യുവതാരങ്ങളെ അണിനിരത്തി സംവിധാനം ചെയ്യുന്ന 'ബെസ്റ്റ് ഓഫ് ലക്കി'ല് മമ്മൂട്ടിയും! അടുത്ത വാരം റിലീസാകുന്ന ചിത്രത്തില് ആസിഫ് അലി, കൈലാഷ്, അര്ച്ചന കവി, റീമാ കല്ലിങ്കല് തുടങ്ങിയവരാണ് മുഖ്യവേഷത്തിലുള്ളത്. ഉര്വശി, പ്രഭു, ജഗതി ശ്രീകുമാര്, സുരാജ് വെഞ്ഞാറമൂട് തുടങ്ങി വന് താരനിര തന്നെ ചിത്രത്തിലുണ്ട്.
തന്റെ പതിവ് ശൈലിയില് നിന്ന് വ്യത്യസ്തമായ അവതരണമാണ് നിഷാദ് ഈ ചിത്രത്തില് കാഴ്ചവെക്കുന്നത്. ആദ്യ ചിത്രമായ 'പകല്' കര്ഷക ആത്മഹത്യയുടെ നീറുന്ന പ്രശ്നങ്ങള് അവതരിപ്പിച്ചപ്പോള് രണ്ടാമത്തെ ചിത്രമായ 'നഗര'ത്തില് ഒരു ഗ്രാമം പേറേണ്ടിവരുന്ന നഗര മാലിന്യഴത്തക്കുറിച്ച ഗൌരമായ പ്രമേയമായിരുന്നു. പീന്നീട് നിഷാദ് ഒരുക്കിയ 'ആയുധ'ത്തില് തീവ്രവാദം അതിന്റെ ഇരകളുമായിരുന്നു വിഷയം. അവസാന ചിത്രമായ 'വൈരം' ഒരു യഥാര്ഥ സംഭവത്തെ ആസ്പദമാക്കി മകളെ പിച്ചിച്ചീന്തിയ ആളോട് അച്ഛന് നടത്തുന്ന പ്രതികാരമാണ് പറഞ്ഞത്. എന്നാല് ഇത്തവണ തീര്ത്തും യുവത്വം തുളുമ്പുന്ന ഫണ് എന്റര്ടൈനര് ആണ് 'ബെസ്റ്റ് ഓഫ് ലക്കി'ലൂടെ ഉദ്ദേശിക്കുന്നത്.
താരപൊലിമക്ക് പ്രഭുവിനെയും അതിഥി താരമായി മമ്മൂട്ടിയേയും ഉള്പ്പെടുത്തിയിട്ടുണ്ട്. നീലത്താമര, റിതു തുടങ്ങിയ ചിത്രങ്ങളിലൂടെ ശ്രദ്ധേയരായ യുവതാരങ്ങളെ ഒരുമിച്ച് അണിനിരത്തുന്നു എന്ന പ്രത്യേകതയുമുണ്ട്. വിനായക നായ്ക്കര് എന്ന വേഷമാണ് പ്രഭുവിന്.
യൂഫോറിയ ടീമാണ് ചിത്രത്തിന് സംഗീതമൊരുക്കുന്നത്.ഗാനങ്ങള്: സന്തോഷ് വര്മ. ക്യാമറ:സഞ്ജീവ് ശങ്കര്. എ. ആന്റ് എം എന്റര്ടെയ്ന്മെന്റ് നിര്മിക്കുന്ന ചിത്രം അടുത്തവാരം തീയറ്ററുകളില് എത്തും.
best of luck stills
click to enlarge
best of luck, malayalam film, m. a nishad, mammootty, asif ali, kailash, reema kallingal, archana kavi, prabhu, urvashi, suraj venjaramood, jagathy sreekumar, best of luck gallery, mammootty in best of luck
1 comments:
aal the best?
Post a Comment