ആരും പറഞ്ഞിട്ടില്ലാത്ത പുതുമയുള്ള കഥയുമായി ഷമീർ ഭരതന്നൂരിന്റെ 'അനക്ക് എന്തിന്റെ കേടാ' തീയറ്ററുകളിലേക്ക്. ആഗസ്റ്റ് നാലിന് ചിത്രം റിലീസാകും. മുസ്‌ലിം സമുദായത്തിലെ ജാതിവിവേചനവും വിലക്കുകളും വിഷയമാക്കുന്ന ചിത്രം എന്നനിലയിൽ 'അനക്ക് എന്തിന്റെ കേടാ' ഇതിനകം ചർച്ചയായിട്ടുണ്ട്.

മാധ്യമപ്രവർത്തകനായ ഷമീർ ഭരതന്നൂർ തന്നെയാണ് ചിത്രത്തിന്റെ രചനയും സംവിധാനവും നിർവഹിക്കുന്നത്. ബി.എം.സി ഫിലിം പ്രൊഡക്ഷൻസിന്റെ ബാനറിൽ ഫ്രാൻസിസ് കൈതാരത്താണ് ചിത്രം നിർമിക്കുന്നത്.

അഖിൽ പ്രഭാകർ നായകവേഷത്തിെലത്തുന്ന ചിത്രത്തിൽ സ്‌നേഹ അജിത്ത്, വീണ എന്നിവരാണ് നായികമാർ.

സുധീർ കരമന, സായ്കുമാർ, മധുപാൽ, ബിന്ദുപണിക്കർ, വിജയകുമാർ, കൈലാഷ്, ശിവജി ഗുരുവായൂർ, കലാഭവൻ നിയാസ്, റിയാസ് നെടുമങ്ങാട്, കുളപ്പുള്ളി ലീല, ബന്ന ചേന്നമംഗലൂർ, മനീഷ, സന്തോഷ് കുറുപ്പ് തുടങ്ങിയവർ പ്രധാന വേഷങ്ങളിലുണ്ട്.
അച്ചു സുഗന്ധ്, അനീഷ് ഭരതന്നൂർ, ജയാമേനോൻ, പ്രകാശ് വടകര, ഇഷിക, പ്രീതി പ്രവീൺ, സന്തോഷ് അങ്കമാലി, മേരി, മാസ്റ്റർ ആദിത്യദേവ്, ഇല്യൂഷ്, പ്രഗ്‌നേഷ് കോഴിക്കോട്, സുരേഷ്, മുജീബ് റഹ്‌മാൻ ആക്കോട്, ബീന മുക്കം, ജിതേഷ് ദാമോദർ, മുനീർഖാൻ, ബാലാമണി, റഹ്‌മാൻ ഇലങ്കമൺ, കെ.ടി രാജ് കോഴിക്കോട് തുടങ്ങിയവർ അഭിനയിക്കുന്ന ചിത്രത്തിൽ സംവിധായകൻ അനുറാമും അതിഥി വേഷത്തിൽ എത്തുന്നുണ്ട്.