Thursday, December 24, 2020

25 ാമത് അന്താരാഷ്ട്ര ചലച്ചിത്രമേള: മത്‌സര വിഭാഗത്തിൽ ചുരുളിയും ഹാസ്യവും

കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 25 ാമത് അന്താരാഷ്ട്ര ചലച്ചിത്രമേളയുടെ മൽസര വിഭാഗത്തിലേക്ക് ലിജോ ജോസ് പെല്ലിശ്ശേരി സംവിധാനം ചെയ്ത 'ചുരുളി', ജയരാജ് സംവിധാനം ചെയ്ത 'ഹാസ്യം' എന്നീ ചിത്രങ്ങൾ തിരഞ്ഞെടുത്തു.
മൽസരവിഭാഗത്തിലേക്ക് ഇന്ത്യൻ സിനിമയിൽ നിന്ന് മോഹിത് പ്രിയദർശി സംവിധാനം ചെയ്ത ഹിന്ദി ചിത്രമായ 'കോസ', അക്ഷയ് ഇന്ദിക്കർ സംവിധാനം ചെയ്ത മറാത്തി ചിത്രമായ 'സ്ഥൽ പുരാൽ' എന്നിവ തിരഞ്ഞെടുത്തു.
സംവിധായകൻ മോഹൻ ചെയർമാനും എസ്. കുമാർ, പ്രദീപ് നായർ, പ്രിയ നായർ, ഫാദർ ബെന്നി ബെനഡിക്ട് അംഗങ്ങളുമായ സമിതിയാണ് മലയാളം സിനിമകൾ തിരഞ്ഞെടുത്തത്.
മലയാളം സിനിമാ ടുഡേ വിഭാഗത്തിലേക്ക് തിരഞ്ഞെടുത്ത ചിത്രങ്ങൾ: ഗ്രാമവൃക്ഷത്തിലെ കുയിൽ (കെ.പി. കുയിൽ), സീ യു സൂൺ (മഹേഷ് നാരായണൻ), സന്തോഷത്തിന്റെ ഒന്നാം രഹസ്യം (ഡോൺ പാലത്തറ), ലൗ (ഖാലിദ് റഹ്‌മാൻ), മ്യൂസിക്കൽ ചെയർ (വിപിൻ ആറ്റ്‌ലി), അറ്റൻഷൻ പ്ലീസ് (ജിതിൻ ഐസക് തോമസ്), വാങ്ക് (കാവ്യ പ്രകാശ്), പക- ദി റിവർ ഓഫ് ബ്‌ളഡ് (നിതിൻ ലൂക്കോസ്), തിങ്കളാഴ്ച നിശ്ചയം (സെന്ന ഹെഗ്‌ഡേ), പാപം ചെയ്യാത്തവർ കല്ലെറിയട്ടെ (ശംഭു പുരുഷോത്തമൻ), ആൻഡ്രോയ്ഡ് കുഞ്ഞപ്പൻ 5.25 (രതീഷ് ബാലകൃഷ്ണൻ പൊതുവാൾ), കയറ്റം (സനൽകുമാർ ശശിധരൻ).
സണ്ണി ജോസഫ് ചെയർമാനും നന്ദിനി രാംനാഥ്, ജയൻ കെ. ചെറിയാൻ, പ്രദീപ് കുർബ, പി.വി ഷാജികുമാർ എന്നിവർ അംഗങ്ങളായ സമിതിയാണ് ഇന്ത്യൻ സിനിമകൾ തിരഞ്ഞെടുത്തത്.
ഇന്ത്യൻ സിനിമാ നൗ വിഭാഗത്തിൽ തിരഞ്ഞെടുത്ത ചിത്രങ്ങൾ: മൈൽ സ്‌റ്റോൺ (ഇവാൻ ഐർ- ഹിന്ദി, പഞ്ചാബി, കാശ്മീരി), നാസിർ (അരുൺ കാർത്തിക്ക് -തമിഴ്), ഹോഴ്‌സ ടെയിൽ (മനോജ് ജഹ്‌സൻ, ശ്യം സുന്ദർ- തമിഴ്), ദി ഡിസൈപ്പിൾ (ചൈതന്യ തമാനേ- മറാത്തി, ഇംഗ്‌ളീഷ്, ഹിന്ദി, ബംഗാളി), പിഗ് (തമിഴ്- തമിഴ്), വെയർ ഈസ് പിങ്കി (പൃഥ്വി കൊനാനൂർ- കന്നഡ), ദി ഷെപ്പേഡസ് ആൻറ് സെവൻ സോംഗ്‌സ് (പുഷ്‌പേന്ദ്ര സിംഗ്- ഹിന്ദി).
കമൽ, ബീന പോൾ, സിബി മലയിൽ, റസൂൽ പൂക്കുട്ടി, വി.കെ. ജോസഫ് എന്നിവരടങ്ങുന്ന സമിതിയാണ് കലൈഡോസ്‌കോപ്പ് വിഭാഗത്തിലെ ചിത്രങ്ങൾ തിരഞ്ഞെടുത്തത്. ചിത്രങ്ങൾ ചുവടെ:
1956, മധ്യ തിരുവിതാംകൂർ (ഡോൺ പാലത്തറ- മലയാളം), ബിരിയാണി (സജിൻ ബാബു- മലയാളം), വാസന്തി (ഷിനോസ് റഹ്‌മാൻ, സജാസ് റഹ്‌മാൻ- മലയാളം), മയർ ജോംജർ (ഇന്ദ്രാണിൽ റോയ് ചൗധരി- ബംഗാളി), ഇല്ലിരളാരെ അല്ലിഗെ ഹൊഗളാരെ (ഗിരീഷ് കാസറവള്ളി- കന്നഡ), അപ്പ്, അപ്പ് ആൻറ് അപ്പ് (ഗോവിന്ദ് നിഹ്‌ലാനി- ഇംഗ്‌ളീഷ്).

0 comments:

Post a Comment

 
Cinemajalakam. Design by Wpthemedesigner. Converted To Blogger Template By Anshul Tested by Blogger Templates.