മമ്മൂട്ടിയെ നായകനാക്കി ഷാഫി സംവിധാനം ചെയ്യുന്ന 'വെനീസിലെ വ്യാപാരി' പ്രദര്ശനത്തിനൊരുങ്ങുന്നു. ആലപ്പുഴയും പരിസരവും പശ്ചാത്തലമാക്കി എന്പതുകളുടെ കഥ പറയുന്ന ചിത്രം നര്മത്തില് ചാലിച്ചാണ് ഷാഫി ഒരുക്കിയിരിക്കുന്നത്. ജയിംസ് ആല്ബര്ട്ടിന്റേതാണ് തിരക്കഥ.
പൊലീസുകാരനും പീന്നീട് കയര് വ്യാപാരിയുമാകുന്ന പവിത്രന് എന്ന യുവാവായാണ് മമ്മൂട്ടി എത്തുന്നത്. അയാളുടെ ജീവിതത്തിലെ അസാധാരണ ഉയര്ച്ചയും താഴ്ചയും സ്വപ്നങ്ങളും പ്രതീക്ഷകളുമൊക്കെയാണ് ചിത്രത്തിന് വിഷയമാവുന്നത്.
ഇയാളുടെ ജീവിതത്തില് അമ്മു എന്ന കയര് തൊഴിലാളിയായ പെണ്കുട്ടിയും ലക്ഷ്മി എന്ന ബാങ്ക് മാനേജരും ചെലുത്തുന്ന സ്വാധീനവും കഥയില് നിര്മായകമാണ്. കാവ്യാ മാധവനാണ് അമ്മുവാകുന്നത്. പൂനം ബജ് വയാണ് ലക്ഷ്മി. എണ്പതുകളുടെ തുടക്കത്തിലുള്ള വസ്ത്രാലങ്കാരമാണ് ചിത്രത്തില് ഉപയോഗിച്ചിരിക്കുന്നതെന്നത് പ്രത്യേകതയാണ്.
വിജയരാഘവന്, ജഗതി ശ്രീകുമാര്, സുരേഷ് കൃഷ്ണ, സുരാജ് വെഞ്ഞാറമൂട്, സലീം കുമാര്, ശ്രീരാമന്, ജനാര്ദനന്, ഗിന്നസ് പക്രു, കലാഭവന് ഷാജോണ്, അജിത്, അബു സലീം, ഭാഗ്യാഞ്ജലി തുടങ്ങിയവരാണ് മറ്റ് പ്രധാന താരങ്ങള്. കൈതപ്രം രചിച്ച ഗാനങ്ങള്ക്ക് ഈണം പകര്ന്നിരിക്കുന്നത് ബിജിബാലാണ്.
എഡിറ്റിംഗ്: മനോജ്, കലാസംവിധാനം: ജോസഫ് നെല്ലിക്കല്, മേക്കപ്പ്: പട്ടണം റഷീദ്, വസ്ത്രാലങ്കാരം: എസ്.ബി സതീശന്, പ്രൊഡക്ഷന് കണ്ട്രോളര്: ഡിക്സന് പോഡുത്താസ്.
മുരളി ഫിലിംസിനു വേണ്ടി മാധവന് നായരാണ് ചിത്രം നിര്മിക്കുന്നത്. വിതരണം: മുരളി ഫിലിംസ്. നവംബര് 11ന് റിലീസ് ചെയ്യുമെന്നാണ് പ്രതീക്ഷിക്കപ്പെടുന്നത്. തീയറ്റര് സമരം നീണ്ടാല് റിലീസും വൈകാനിടയുണ്ട്.
venicile vyapari gallery
(click image to enlarge)
venicile vyapari, venicile vyapari gallery, poonam bajwa in venicile vyapari, kavya madhavan stills, kavya in venicile vyapari, poonam bajwa, mammootty, suraj venjaramood, shafi, murali films, venicile vyapari stills, posters
1 comments:
hit aavatte
Post a Comment